შენ საკრავი ხარ, უხრწნელი ქნარი,
შენი სხეული მიწაზე იშვა,
ჭრილობა, წყლული მოშუშდა, თუმცა
ჯვარი შემოგვრჩა წამების ნიშნად.
შენმა მკლავებმა, დაღლილმა ტვირთით
გამოატარა ამ ქვეყნის ჯვარცმა,
ჩვენი ცოდვები აზიდე თვითონ,
რომ საუკუნოდ ელხინათ კაცთა.
სუსტი აღმოჩნდა ადამის მოდგმა,
ბოროტი ცდილობს წაგვართვას ძალა,
მეოხ გვყავ ღმერთთან, ოსტატო სიტყვის, -
სასუფეველში შევიდეთ ლაღად.
No comments:
Post a Comment