ძილში შენ ორეულს მოველი,
ათასჯერ სიზმრებში
ნაფერებს..
მოხვალ. შეიცვლება ყოველი,
სულზე დამიკოცნი ნაკერებს..
გაუშვებ ტკივილებს ნაგუბარს..
კვლავდაკვლავ სიყვარულს აგიხსნი,
უწმინდეს გრძნობებში ნადუღარს..
მთვარესაც შავ ღრუბლებს მოვახვევთ,
შიშველი არავინ გვიხილოს..
გრძელ ღამეს ვნებებში მოვათევთ,
დალალში ჩაგიწნავ ღიღილოს..
დაგტოვებ სიზმარში შეფარულს,
მამალმა თუნდ ასჯერ იყივლოს..
გაღმერთებ ჩემს გულში შეპარულს,
გონებამ ცაშიც რომ მიჩივლოს..
გელა ციგროშვილი
22.12.13 წ.
No comments:
Post a Comment