თორემ ავსა და მტერს!
გვეპოტინება ეშმაკი,
ყველა საქმეს ის წყვეტს,
ჭკუა გვჭირდება სედრაქის,
თორემ ავსა და მტერს.
ანგელოზები გალობენ,
განა კი გვთხოვენ ბევრს?!
სხვისი სიკეთით ვხარობდეთ,
თორემ ავსა და მტერს.
თვალში ვიდგამდეთ ლურჯ იებს,
ვკაფავდეთ ეკალ- ძეძვს,
ვმადლობდეთ ყველა სულიერს,
თორემ ავსა და მტერს.
ჩვენც ხომ მოვკვდებით ოდესღაც,
და შევერევით მტვერს,
ვილოცოთ სულთ საცხოვნებლად,
თორემ ავსა და მტერს.
გვეპოტინება ეშმაკი,
ჩვენ მაგივრად წყვეტს ბევრს,
გული გვჭირდება სედრაქის,
თორემ ავსა და მტერს.
მაია დიაკონიძე
23.04.2025 წელი
No comments:
Post a Comment