აღარ ვუფრთხი წვიმასა და ქარებს,
დედამიწის სიყვარული მომაქვს,
შემომხედე, იქნებ შეგიყვარდე.
თავაწყვეტილ რაშებს მოვაქანებ,
გადავუსწრებ ცაში მფრინავ ღრუბლებს,
მზის სხივებსაც გადმოგიშლი ჟღალებს,
შემომხედე, იქნებ შეგიყვარდე.
მოჟღურტულე ჩიტუნიებს ვანდობ
ჩემს სიყვარულს და სევდიან ფიქრებს,
შენთან ყოფნას დღენიადაგ ვნატრობ,
შემომხედე, შეგიყვარდე იქნებ.
No comments:
Post a Comment