ლექს- ექსპრომტი
დამატეხა მარტმა თავზე
წვიმა, თოვლი, ქარიშხალი,
არ ეშვება თავის ავზნეს,
ვით ტყის მეფის შვილი - დალი.
გზას ამირევს, თვალს მიბინდავს,
რომ ვერ ვნახო მისი კვალი,
მზეჭაბუკი შენ რად გინდა,
როცა უკვე ჩემი არის?!
თეთრი ქალი დალალებით,
ტყის სიღრმეში დავინახე,
ვუთხარ, იყოს ალალ- შენი,
შენი გახდეს მეინახე.
მე გზა ცისკენ გავაგრძელე,
ზემავალი კიბეც ვნახე,
ეს სამყარო ვადღეგრძელე,
რომ მაჩვენა ყველას სახე!
მაია დიაკონიძე
17.03.2025 წელი
No comments:
Post a Comment