მაიას რჩევები:

 მაიას რჩევები:

1. ნურასოდეს აწყენინებთ ადამიანს და თუ აწყენინებთ, ეცადეთ გამოასწოროთ, თორემ შეიძლება იმ ერთმა სხვისთვის მიყენებულმა დიდმა გულისტკენამ გაგიყენოთ ჯოჯოხეთის გზას, აუცილებლად ითხოვეთ შენდობა და პატიება.

2. არაფერია იმაზე მეტი დანაშაული, ვიდრე გულუბრყვილო ადამიანი მოატყუო.

3. თქვენი სიმართლე შეიძლება სხვისთვის დიდი ტყუილი იყოს. ჭეშმარიტება მხოლოდ ღმერთმა იცის. ნუ აწყენინებთ ადამიანს იმის გულისთვის, რომ თქვენი სიმართლე დაამტკიცოთ, ვინაიდან შეიძლება თქვენ ცდებით და არა ის.

4. სიყვარულისთვის არაფერია უცხო, მაგრამ სიყვარული უცხოა ბევრისთვის.

5. თუ ადამიანი გაღიზიანებთ, ესე იგი არ გიყვართ, განერიდეთ, რომ მეტი დანაშაული არ ჩაიდინოთ მის წინაშე.

6. ყოველთვის აკონტროლეთ თქვენი თავი, შეეცადეთ მაინც, რადგან რისხვა და მძვინვარება არასოდეს ყოფილა დადებითი შედეგების მომტანი ადამიანურ ურთიერთობებში.

7. გიყვარდეთ ყველა, ისინიც კი, ვისაც არ უყვარხართ, ამინდს ისეთს ვღებულობთ, როგორიც არის, მზიანი, თოვლიანი, წვიმიანი, უბრალოდ ვსწავლობთ მასთან გამკლავებას, თუ ეს საჭიროა: წვიმისგან თავს ქოლგით ვიფარავთ, მწველ მზეს ჩრდილში ვემალებით.