მიყვარს ცივი დეკემბერი

მიყვარს დილა, ზამთრის სუსხი,
დეკემბერის ავლა-დავლა,
სიცივესაც ვუძლებ, თუკი,
სიყვარულის სითბო მახლავს,
გამიღიმებს მზე ღრუბლიდან,
სულ ცოტათი მაძლევს იმედს,
მთიდან მოდის ცივი ქარი,
თითქოს მიკრავს გახსნილ თითებს.
მაგრამ მაინც არ ვნებდები,
შენი გულის სითბო მახლავს,
მიყვარს ცივი დეკემბერი,
სიყვარულის ავლა-დავლა.

ბეღურების გადაფრენა და 

მარხილი ფაფუკ თოვლში,

გახსენება მზიან დღეთა

მატანინებს დარდს და ლოდინს.

ბარდნის ველზე თეთრ ყვავილებს,

ჩრდილები ჩანს თოვლზე შორი,

ნაძვებს თექა შემოუსხამთ,

აღარ სცივათ მათაც მგონი.

მე კი სულსაც ამოვიღებ,

რომ დაგლანდო ჩემო შორით,

არც სიცივე შემაწუხებს,

აღარც ყინვა, აღარც თოვლი.