თავს მევლება ლურჯი ზეცა, ზამთარს უჩანს კალთები,
ახალი წლის ღამეს ველი, ბავშვობაში დარჩენილს,
ვითამაშებ ნაძვის ხესთან, შემოვძახებ სიმღერებს,
წითელ-ყვითელ ბრჭყვიალებში მამას ვხედავ, ვიჯერებ,
რომ ახდება ოცნებები, დღეს თუ არა, ოდესღაც,
რომ სიცივე, ყინვა, სუსხი დროზე ადრე მორჩება,
რომ კაცის ძე დაამარცხებს ბოროტს, დათესს სიკეთეს,
დაგილოცავთ ღმერთი ოჯახს, მამულს კიდით კიდემდე.
No comments:
Post a Comment