მინდა, ვიცურო ფერთა მორევში,
როგორც დავრიშმა, ვიარო ყველგან,
მინდა, სიცოცხლის ყველა სისხლძარღვი
ჩემში გაიხსნას, ფეთქავდეს ერთად,
მინდა, ვარდებად იდგეს მაისი,
სოსნის ღიმილში თვრებოდეს მთვარე
და ალანძული ყაყაჩოს გულში
კვლავ იძინებდეს მდუმარე ღამე,
მინდა, ინათოს დილამ და მზემაც,
ცვიოდეს ცვარი, შხაპუნა წვიმა,
მე, გახვეული ფრთათეთრ ბურუსში,
ჩოქვით ვლოცავდე ამ ქვეყნის მიწას.
No comments:
Post a Comment