უსუსურობის მოვიდა განცდა,
ყვავილთა მტვერი დაედო ფურცლებს,
ქარი კაკუნით დააფრთხობს დუმილს,
ლურჯად ატყორცნილ სვეტებად უფლის
ჩამოეშვება სიკვდილის ფარდა,
გაძვალტყავებულ სხეულის ნაშთებს
მიაბარებენ მიწას და საფლავს
დაუტოვებენ წარსულის ლანდებს,
სული დამფრთხალი ჩიტივით კრთება,
თითქოს დააჭრეს ლამაზი ფრთები,
ამბიციები დატოვა დაბლა და
ღვთის განაჩენს უმწეოდ ელის.
No comments:
Post a Comment