ნეტავ, ის დრო სად არის?! (სიმღერა) შეასრულა მაია სიჭინავამ

 ნეტავ, ის დრო სად არის,

მე რომ ძლიერ გიყვარდი,

რომ მჩუქნიდი მიმოზებს,

ცას სწვდებოდი სილაღით.

ამივსებდი საღამოს

ქარიშხლით და ვნებებით,

დააფრენდი ქურანას

ველზე ჭენებ-ჭენებით.

მისამღერი: ნეტავ, ის დრო სად არის,

გულმართალი, ალალი,

ნეტავ, უკან დაბრუნდეს

ვით მერცხალი ფრთამალი.

ნეტავ, რატომ ქრებიან

ვარსკვლავები თვალებში,

ან რად ჩნდება ნაოჭი

პირზე, გულის არეში,

ნუთუ უკვე დავბერდით

და მივყვებით ბილიკებს,

ხელჯოხით და ხელკავით,

ერთურთს ვჩუქნით გვირილებს.

მისამღერი: ნეტავ, ის დრო სად არის,

გულმართალი, ალალი,

ნეტავ, უკან დაბრუნდეს

ვით მერცხალი ფრთამალი.