არაგვის შხუილს მოვისმენდი, თერგის ხმაურსაც,
ავუყვებოდი მაღლა-მაღლა ალპურ მდელოებს,
დავკრეფდი ყვავილთ, ატაცებულთ ღეროებიდან,
ცხვარს მოვმწყევსავდი, გავიყვანდი მაღლა ბექობზე.
ფესვს გავიდგავდი იმერეთში, ჩემს ძველ ეზოში,
გადავხურავდი კარმიდამოს მწვანე ფოთლებით,
ზამთარში კაკალს დავაყრიდი ყავარ-სახურავს,
კაცსაც და თაგვსაც გაეხარათ თავის გემოზე.
გადავიფრენდი არწივივით კავკასიონზე
და მოვიტანდი ახალ ამბავს, გასახარებელს,
რომ ჩრდილოეთით გატყდა ყინვა, იძრა ყინული,
გაზაფხულდა და გვისახსოვრებს მიწა ხავერდებს.
No comments:
Post a Comment