- პაპა, შენ ხომ არ გინახავს,
ჩემი თეთრი კნუტი?
დილით ერთად ვთამაშობდით,
დამრჩა ნერგთან თუთის,
იქნებ ვინმემ წაიყვანა,
ჩაიპურჭყნა მუჭში,
მერე ვიღას ვეთამაშო,
მურიკელას უნდილს?
- ჩემო გოგო, არ გცოდნია
გაფრთხილება კნუტის,
მამალმა რომ უნისკარტოს?
მიეცემა წუხილს,
ანდა ვირმა წიხლი გაჰკრას,
სხვამ ითრიონ კუდით?
ფაქიზსა და ბამბის ქულას
დააჩნდება წყლული,
აქ არის და წაიყვანე,
რომ არ დაგწყდეს გული,
მაგრამ სხვა დროს, რომ იცოდე,
გაგექცევა კნუტი.
,
No comments:
Post a Comment