ჯავრი - ქვეყნად ყველას ხვედრი,
მეუბნება ახლაც ყვედრით,
- უჩემოდ თქვენ ვერ მიხვდებით,
რომ არსებობს ქვეყნად ღმერთი.
ქეიფსა და სმა-ჭამაში
გაილევა თქვენი დღენი,
არ მორჩება ზოგი ძილს და
ტახტზე გდებას ქონის გდებით.
დაივიწყებს ბევრიც ცოლ-შვილს, -
ეშმაკს უხდის ამით ღალას...
გულს გიწყალებთ მიტომ ჯავრით,
გულს მდუღარე შანთით ვღარავ.
მიტომა ვარ ყველას ხვედრი,
გაიხსენოთ იქნებ ღმერთი,
ცისკენ თვალი რომ აღაპყროთ,
სატკივარი უფალს ანდოთ.
ვინ წასვლია ჯავრთან ჭიდილს,
მაგრამ შვება ჰპოვა ბევრმა,
თუ ხანდახან უსმენთ სინდისს,
განუგეშოთ იქნებ ღმერთმა.
No comments:
Post a Comment