ჩვენო მამაო, უნეტარესო,
თავს დაგვდგომია სევდა და დარდი,
შენი შვილები ისევე ვცოდავთ,
ჩვენს ნამოქმედარს აკლია მადლი.
ვერ დავინახეთ ნათელი წმინდა,
ვეღარ გავიგეთ სიკეთის გემო,
გამოგვაჭენა ბოროტმა ძალამ, -
უფსკრულისაკენ გვიბიძგებს,ქვემოთ,
ჩვენ კი, ცოდვებში გამტკბარებს გვძინავს,
აღარ გვაწუხებს სამშობლოს ვალი,
სადმე ტახტი თუ გათავისუფლდა,
კვლავ შეიკვრება მახინჯი რკალი,
პატიოსნებამ ვერ გაიღვიძა,
მავანთა სული უგვანი არის,
ჩვენთვის ილოცეთ, უნეტარესო, -
შევძლოთ გადახდა ამ ქვეყნის ვალის.
No comments:
Post a Comment