სამყაროს სარკე, დედის ოცნება,
გულუბრყვილობის, სიმართლის წყარო,
ურომლისოდაც არ გვეცხოვრება...
ძვირფას ალმასებს ფერს დაუკარგავს
შვილის თვალები, სიკეთის მთქმელი,
მხოლოდ მასშია ის სათნოება,
ურომლისოდაც კაცი ვერ მღერის...
მხატვრის ფუნჯიც კი დაკარგავს ძალას,
თუ ცისარტყელას ნაზი ფერებით
ბავშვობის ნატვრა მან ვერ დაფერა,
ვერ აამღერა ვაზის ლერწები...
ბავშვის თვალები - ცისკარი დილის,
ნაირფერადი ზღაპრის სამყარო,
მხოლოდ მზის სხივად რომ იხატება,
მხოლოდ ხატად რომ უნდა ატარო...
No comments:
Post a Comment