აკაცია, ყრმობის ხეო,
ტანზე ხელებს შემოგახვევ,
გულში მაგრად ჩაგეკვრები,
ჩუმ ცრემლებსაც შემოგაფრქვევ.
ხეივანში ჩამოვივლი,
სალამს გეტყვით ყველა თქვენგანს,
იმ პატარას რაღა უნდა,
დიდ ხეებს რომ ეფარება?!
- შენ არ გიცნობ, მაგრამ შენთვის
საჩუქარი მოვიტანე,
სიო მომყვა, საალერსო
სიტყვებს გეტყვის, გენაცვალე,
გაიზარდე, გალამაზდი,
თეთრ ოცნებას დაემსგავსე!
No comments:
Post a Comment