ღმერთმა შეუნდოს ბოროტს და ავსულს,
ფიქრმა და განსჯამ გვიჩვენოს თავი,
თუკი სამსალა ნექტარად იქცა,
თუკი კეთილმა იჩინა თავი...
ვერ მოერევა ფითრი ხეჭეჭურს,
ვერ მოერევა თავთავებს ღვარძლი,
ვეღარ წააქცევს სიმინდის ყანას
სარეველები, ჭუპრი და მატლი,
გაიწმინდება ბოღმისგან სისხლი,
სინდისის ქეჯნა ეწვევა მკიცხავს,
და სინანულის უმანკო ცრემლი
მორწყავს ამ ქვეყნის დაღარულ მიწას...
No comments:
Post a Comment