მე ჩემი გზა მაქვს, ამ ბილიკებზე
მხოლოდ სიმართლის მხარეზე ვივლი,
ვერ დამაჩოქებს მე ბედისწერა, -
არ ვუშინდები ყორანთა ყივილს.
დაე, ორბებმა წამართვან თვალი,
დაე, დამკენკოს ყვავმა და ძერამ,
ოღონდ უფალმა არა მკრას ხელი,
ოღონდ არ გავხდე სიცრუის წერა,
განგების დაღი მადევს სხეულზე,
გადაიქროლეს დღეებმა, წლებმა,
სიმართლისათვის მომთხოვეს წილი,
ჩემი გზა, ალბათ, მიმიყვანს ღმერთთან!
No comments:
Post a Comment