ფრინდი, ფრინდი, ჩემო მტრედო,
დედის კალთას ხელი ჰკარი,
მაგ პატარა თათუნებით
ღრუბლის ფთილას მიეკარი,
გამოისხი მერცხლის ფრთები,
მზეს თვალები ჩაუკარი,
ქარვის მძივად დაეკიდე,
ცის თაღს ხელი ჩამოჰკარი.
ჩანგიც გაუმზადებია
დედამიწას, მთების წვერზე
ჩამოჯექი, დაიმღერე,
უთათუნე თეთნულდს წვერზე,
ფეხი გაუსვ-გამოუსვი,
ჩვენებური დაუარე,
შენს ნატერფალს დასცქეროდეს,
უღიმოდეს მზე და მთვარე,
გაიზარდე, დავაჟკაცდი,
საქართველო გაახარე!
No comments:
Post a Comment