ჯვარედინ ხაზებს ვნახულობ სიზმრად,
წრფე-წერტილების დამატყდა ჯარი,
ცხოვრების ყველა მონაკვეთს ვხედავ,
ხმა კი გაჰყვირის -ბათილი არის!
ცვლილების ტყვე ვარ,
ცვლადების ტყვე ვარ,
განტოლებების ამოხსნა ჩქარი...
უცნობი ცვლადი ვიპოვო მინდა,
ხმა კი მომძახის -ბათილი არის!
რიცხვების რიგებს მივყვები ურჩად,
უნდა განვსაზღვრო სიკეთის ზღვარი,
მეტ-ნაკლებია რიცხვი რიცხვებზე,
ხმა კი გაჰკივის- ბათილი არის!
ციფრთა ზიგზაგებს გავუტეხილდი,
პლიუს-მინუსებს მიგზავნის ქარი,
ძლივს მიპოვნია ამონახსენი,
ხმა კი მეძახის -ბათილი არის!
No comments:
Post a Comment