მე რომ მინდოდა, ის სათქმელი ვერასდროს ვერ ვთქვი,
ხეზე ალერსში შეუღამდათ პატარა ჩიტებს,
გულგათანგული ცას მიჰყვება მთვარის აჩრდილი
და ტბაში უცქერს მომღერალ გედს, თეთრსა თუ რძისფერს.
მე რომ მინდოდა, ის სათქმელი, ვერასდროს ვერ ვთქვი
და სილამაზემ ვარსკვლავების მე გამაოცა,
შემოუღამდათ სამხრეთისკენ გაფრენილ ჩიტებს
და მათთვის ალბათ ესეც იყო დიდი გამოცდა.
მე რომ მინდოდა, ის სათქმელი, ვერასდროს ვერ ვთქვი,
ისევ მივყვები სანაპიროს, იისფერ ნისლებს,
დროც აღარა მაქვს, იმ ნაპირზე უკან დავბრუნდე,
სათქმელი ვუთხრა მოლოდინით გათანგულ ჩიტებს.
No comments:
Post a Comment