ხატებთან შენთვის დავანთებ სანთელს,
ლოცვით ჩამოვხსნი ბოროტ სულს ნიღაბს,
რატომ ჩასახლდა სიავე შენში?
მივენდე, ნუთუ, დიდებულ სიზმარს?
მინდა, გაშალო არწივის ფრთები,
შენ კი, მტრედივით მიწას ეკვრები,
მინდა, ტოტები დაისხა მრავლად,
შენ მარტოობის გიდგას ფესვები.
ფიანდაზები გაგეგოს ფეხქვეშ,
გამოვთხოვ უფალს წმინდა ცრემლებით,
საკმევლის სუნით გაბრუებული
შენს ფეხთა მტვერსაც ვეალერსები.
No comments:
Post a Comment