მზეს ვადიდებდით, მთვარეს ცრემლს ვწმენდდით,
ვარწევდით აკვანს, სინაზით, რიდით,
მერე კი სისხლზე, შვილების სისხლზე,
წითელ ყაყაჩოს ყანებად ვზრდიდით.
მივუყვებოდით ბილიკებს მაღლა,
მუხლებზე ლოცვით ვაგებდით ტაძრებს,
რომ მერე ნინოს ვაზის ჯვრით ხელში
გადავდგომოდით ცხრათავა ამკლებთ.
ვებრძოლებოდით ბოროტს და ავსულს,
ვწერდით და ვთხზავდით ლეგენდებს, ლექსებს,
რომ მომავალი საქართველოდან
კვლავ გაგვეგონა - "ვგავარო ედემს".
No comments:
Post a Comment