სიყვარულის ხიდი გავდეთ
გურიას და იმერს შორის,
ჩემი ბებო გურულია,
იმერლები რძლობას უქებს.
ბაბუ ცელით ყანებს ფერავს,
რწმენით იმკის შრომის ნაყოფს,
მეზობლებსაც უნაწილებს
იმას, რასაც ღმერთი სწყალობს.
ერთი ქვეყნის ორი შვილი
ერთად ხვდება ყოველ დილას,
ღვინით სავსე ჯამით ხელში
ბაბუ ლოცვას გზავნის, ღვთისას.
ბებოს უყვარს იმერეთი,
ყანები და ოდა-კარი,
მზის სხივებით ანთებული,
ვაზის რტოსთან განაყარი.
გურულები მოსწონს პაპას,
რომ ეძებენ სარჩოს ლხენით,
გააოცეს საქართველო
მოსწრებული სიტყვა-ზმებით.
ამერ-იმერს შევიყვარებთ,
ჭალას, მინდორს, სახლს და კერას,
მზე გაგვათბობს სიყვარულით,
მთვარე ჩვენთვის საბანს კერავს.
No comments:
Post a Comment