არ დაგინდობენ, იცოდე!
ვიღაცა ისე გიღიმის,
გულს მისცემ, სუნთქვას, სიცოცხლეს...
გიღალატებენ ღიღინით,
არ დაგინდობენ, იცოდე.
ზოგი კუჭისთვის გაგყიდის,
ზოგს კი სწადია სახელი,
ოღონდ მიიღოს პატივი,
შენ გამოგაბან საბელი.
იმისთვის ერთი ცხვარი ხარ,
საკლავი, არ შეგიცოდებს,
ჩამოგკიდებენ ხარიხას,
არ დაგინდობენ, იცოდე.
მაია დიაკონიძე
4.10.2025 წელი
Saturday, October 4, 2025
არ დაგინდობენ, იცოდე!
Subscribe to:
Post Comments (Atom)
No comments:
Post a Comment