გაღვიძება
ვოდევილებად დაღვრილი სევდა
უტევს და უტევს ღამეულ თბილისს,
ვუმზერ ჩრდილებად ამოქნილ სევადს,
დილით დასკდება ბროწეულები,
დაეკიდება ცის თაღზე მძივად,
ქართველ მხედართა ოცეულები,
მოჩანს, - მზე ოქროს სამოსელს იცვამს.
ცას შეასკდება გალობა ჩიტის,
სინათლე გაჰკვეთს გაცრეცილ წიაღს,
და სიყვარულის უკვდავი ნიჭი
გამოაღვიძებს ფოლორცებს მძინარს..
მაია დიაკონიძე
2.10.2025 წელი
ფოლორცი - მოედანი, განიერი ქუჩა
No comments:
Post a Comment