და შემახსენა...
შენი ცოდვილი ძე ვარ, უფალო,
თვით ხევისბერი სიზმრად მოვიდა
და შემახსენა, უფალს უთხარო,
ხორცი არ ესხა, მხოლოდ ხმა მესმა, -
,,ღალატს სხვადასხვა სახე ჰქონია,
ხან ქალი არის უნდობი ეშმა,
ხან კი ის არის, რომ არ გგონია."
ღალატი ჩემში ვერ გადგამს ფესვებს,
ქურდი ქურდია, აქლემის, ნემსის,
თუ კი ვიღაცა ვერ ხედავს ეშვებს,
შეხედავ მერე, ,,ქურდს ქუდი ეწვის".
შენი ცოდვილი ძე ვარ, უფალო,
თვით ხევისბერი სიზმრად მოვიდა
და შემახსენა, უფალს უთხარო,
რომ გახსოვს, ვინ ხარ, ვისი გორიდან.
მაია დიაკონიძე
6.12.2024 წელი
No comments:
Post a Comment