თუ უყვარხარ!
თუ უყვარხარ, მაღლა ცაში აცურდება,
უკუნ ბნელში გაგინათებს გზა-სავალს,
გაპოვნინებს ბოროტისგან სამალავს.
თუ უყვარხარ, სულში იებს აგიყვავებს,
და არ მოგცემს საბაბს მცირე იჭვების,
თუ უყვარხარ, არასოდეს არ ინანებ,
თუნდ სავალი დაგეფინოთ წიწვების.
თუ უყვარხარ, მარადიულ წრებრუნვაში
ერთმანეთით იწყებით და მთავრდებით,
სიყვარულით სავსე გულებს მზე უნათის
მარადიულ უკვდავების სახელით.
მაია დიაკონიძე
20.12.2024 წელი
No comments:
Post a Comment