სიყვარულის მოფრინავენ ნიმფები,
აპრილმა ხომ ყვავილები დათოვა,
მაღლა მთიდან შენც ჩამოსვლას მპირდები,
მეც იმედებს არა ვკარგავ რატომღაც.
სულს დაჰყვება ქარავანი პეპლების,
მოუთმენლად ველოდები ვარდობას,
მინდა ნუშის დაგახვედრო კვირტები,
აპრილმა რომ გუშინ ღამით დატოვა.
გულში ისევ ფრთხიალებენ ჩიტები
და არ წყვეტენ სიყვარულზე გალობას,
მაღლა მთიდან შენც ჩამოსვლას მპირდები,
მეც იმედებს არა ვკარგავ რატომღაც.
No comments:
Post a Comment