ვინც პატივს არ სცემს დედას და მამას,
ვინც მლიქვნელობს და ზნედაცემული
არცხვენს წინაპრის დიდებულ საფლავს,
ვინც ანგარებით დას და ძმას ყიდის,
სიტყვით და საქმით ყელში სცემს დანას,
ვინც უსირცხვილოდ ტყუის და ცრუობს,
ქართველ ხალხს თვალში აფურთხებს თანაც.
ვინც ორპირობს და მეგობრის ღალატს
არაფრად აგდებს და ამით ზეობს,
ვინც ქართლის მიწის დაფხრეწილ მთა-ბარს
თამამად ყიდის, მერე კი - ქველობს,
ვინაც არ იცის, სად გადის ზღვარი
ბოროტებას და სიკეთეს შორის,
სწორედ ისინი იდგამენ გვირგვინს
დიდების, ჩვენთან, ჩვენნაირთ შორის.
No comments:
Post a Comment