ნისლისფერი ქედებია,
ნისლისფერი მთებია,
ჩემო ქალო, შენნაირი
ცაზე ვარსკვლავებია.
გიშრისფერი თვალები გაქვს,
თმები-ოქროს თავთავი,
ვარდისფერი ათინათი
მაგ შენს ტუჩებს დაჰხარის.
შენი სატრფო მთვარე არის,
მზეს იწუნებ ბუტია,
შენნაირი სხივთამფენი
მხოლოდ ბროლის ბურთია.
მთების იქით მთები არის,
ზღვების იქით ზღვებია,
ეს ქვეყანა, საყვარელო,
შენთვის მომირთმევია!
No comments:
Post a Comment