ზოგჯერ (პატრიოტული)

 ზოგჯერ...

ზოგჯერ გაფრენა სჯობს აქ დარჩენას,

ზოგჯერ დარჩენა, - თუ გაქვს მიზანი,

ამ ბოლოს სიზმრად დედა დამჩემდა,

ის იყო, არა?! ვეღარ ვიცანი.

ვაზის ლერწები ჩაეწნა თმებში,

ახალ სიცოცხლეს ქვეყნად მაძლევდა,

და ერთი ჰქონდა დედას მიზანი,

მიშვებდა ჩვენში გმირის საძებრად.

ეჭვით ვიყავი რატომღაც სავსე,

როგორ მეპოვა ახალი გმირი,

და დავრჩი მშობელ მიწაზე ასე,

გულს დაწოლილი დარდების გირით.

მაია დიაკონიძე

13.09. 2025 წელი