ასეა მხოლოდ საქართველოში
ნისლებში ვწევარ, როგორც ტყის დალი,
ისაა, მთის წვერს ვწვდები ქეჩოში,
ჩიტების ისმის ტყეში ტკრციალი,
ქარი გარბის და თან მიაქვს ექო,
ამოუღია სიჩუმე ოხტში,
ცხვარი მიყვება ზურმუხტის ბექობს,
ასეა მხოლოდ საქართველოში.
აქ მომხდურს მედგრად უტევდნენ ერთ დროს,
აკვნებს არწევდნენ კაკლის ჩეროში,
გული იმ წარსულს ელტვის და ვერ თმობს,
ასეა მხოლოდ საქართველოში.
მაია დიაკონიძე
25.09.2025 წელი
No comments:
Post a Comment