სადაცა ვარ, იქ მიშველე,
შემიმზადებ, ვიცი, მირონს,
ღვინო მინდა, ოჯალეში,
ჩვენი მიწის სუნი ვიგრძნო.
მომაწოდე პურის გული,
თავთუხების ყანის ფერი,
დალეწილი ჩვენს კალოზე
იფქლი ღვივის, თითქოს მღერის.
სურნელს ბაღის ბაირაღით
გადავკიდებ ციდან ხმელზე,
ყველამ იგრძნოს რა სუნი აქვს
საქართველოს მთებს და ველებს.
მე მარტო ვარ, შენ კი მასთან
სიყვარულის გიძევს ხიდი,
ღამ-ღამობით მთვარეს უმზერ,
ამოავსე შუქით მჭიდი.
სადაცა ვარ, იქ მიშველე,
შემიმზადებ, ვიცი, მირონს,
ღვინო, მინდა, ოჯალეში,
ჩვენი მიწის სუნი ვიგრძნო.
No comments:
Post a Comment