რატომ გამწირე
ასე ადვილად რატომ გამწირე,
რად მიმატოვე უკუნ ღამეში,
ნუთუ ვიყავი შენთვის სამიწე,
გამომეგებნენ ჭინკა-ქაჯები,
და სიყვარულით შემიპატიჟეს,
ნუთუ მივიღე მკაცრი სასჯელი,
ახლა კი ბედი ჩემი მატირებს.
ვით გავიკვლიო გზა სიბნელეში,
კედლებს მივყვები ხელისცეცებით,
მივდივარ, როგორც ცოცხალი ლეში,
ვეცემი, ვდგები, ისევ ვეცემი...
მაია დიაკონიძე
15. 12.2025 წელი
No comments:
Post a Comment