ქარიშხალს ვეძებ, ამომართვა
რომელმაც სული
და თან წაიღო დასალიერს
ჭენებ-ჭენებით,
მას მერე ამ ცრუ წუთისოფლის
რომ დამიბრუნოს, რაც წაიღო,
მას ვეხვეწები.
გინდაც დედოფლის კაბა მეცვას,
მეჭიროს სკიპტრა,
უფლის საჩუქარს ვერ შემიცვლის
სოფლის დიდება,
ქარებს ვთხოვ, უკან დამიბრუნონ
ეს სული კვირტად,
ვნახო სხეულში, ვით ვარსკვლავი,
როგორ ბრწინდება.
მაია დიაკონიძე
30.11.2025 წელი
No comments:
Post a Comment