სიყვარულის ძალა
შენს სიზმრებში არ გამიღე კარი,
ბილიკები ვერ გავთელე შენკენ,
შეშფოთებით შორს ზარებიც რეკენ.
გამომწყვდეულს ქაჯთა ციხე-კოშკში,
მხოლოდ შავი უშენობა მზარავს,
თუ როდისმე ამ ტკივილით მოვკვდი,
შენ გადმოგცემ სიყვარულის ძალას.
რომ ყოველთვის ახლოს მყავდე მზესთან,
არ გამებნე გარიჟრაჟის ნისლში,
მიითვალე ჩემი გულის ფეთქვა, -
გაზაფხულის სუნთქვა მარადისი.
მაია დიაკონიძე
26.08.2025 წელი
No comments:
Post a Comment