ნესტან-დარეჯანს მიმამსგავსე (სატრფიალო)

ნესტან-დარეჯანს მიმამსგავსე

ნესტან-დარეჯანს მიმამსგავსე ზურმუხტის კაბით,

- საფირონები გიდგას თვალში, - ღიმილით ამბობ,

მთელი სამყარო გააოცე ახალი ამბით,

რომ შენს ალალ გულს მე მჩუქნი და მხოლოდ მე მანდობ.

მეც ფიროსმანის ლომს გამსგავსე, მზესავით ბრწყინავ,

და არ ვიღლები შენი ცქერით, ჩიტივით ვლაღობ,

წინაპრის კოშკში ჩვენ დავიდებთ უთუოდ ბინას,

თვალს მივადევნებთ ვარსკვლავების ციალს და აღლუმს.

და თუ ერთხელაც ამ სამყაროს დავტოვებთ ერთად,

ვეფხის ტყავივით თვალწარმტაცს და ნისლივით ფაფუკს,

შენ წინ ბრძოლებში გამარჯვების სასმისი გედგას,

მე კი ვიხდენდე, ვით აისი ვარდისფერ სამოსს.

მაია დიაკონიძე

22.08.2025 წელი