სულ შენ გეძებდი! (პატრიოტული)

სულ შენ გეძებდი!

სულ შენ გეძებდი, ჩატეულო

ერთ დიდ ზღაპარში,

ანა-ბანაში, ოქროს ვერძში,

ოქროს საწმისში,

ენკი-ბენკის თუ კოჭობანას

თამაშ-თამაშში...

მეხატებოდი იებსა თუ

მარჯნის აისში.

შენი მადლია, თუკი გული

მიძგერს ქართულად,

თუ კი ვერ ვძღები შენი ლექსის

ალერსით, ხოტბით,

მომეცი ნიჭი - ავედევნო

სიტყვათმარულას,

ბედნიერება როცა ჩემკენ

ხალისით მოდის.

მაია დიაკონიძე

29.09.2024 წელი