ყაჩაღი ქარი, ნაძარცვით ხელში
სახლში ბრუნდება, კლდეებში ბუდობს,
დალეწილ ტოტებს ჰაერში ისვრის,
სტვენით, ღმუილით საყვარელს უხმობს.
მიეგებება დალალდაყრილი დალი,
უმზადებს მიჯნურს საუზმეს,
ხელაღებული შეყვარებული
მას ყაბაჩას და რიდეს აჩუქებს.
კლდის ქიმზე ერთად ჩამოსხდებიან
ქარი და დალი, დალალდაყრილი, -
მოუხვევია ლურჯი მანდილი
და გადასცქერის მიწას ქადილით.
No comments:
Post a Comment