სიო მიკოცნის თითებს

შორიდან მიძღვნი სალამს,

ამომავალო მზეო,

მათბობ, იმედით მავსებ,

მაგრამ ვერ მიცვლი ფერსო.

ღამე მიბინდავს თვალებს,

ლიბრს გადამაკრავს თეთრსო,

ცა და ვარსკვლავი ძილში

სიზმრებს მანახებს ბევრსო.

თვალებს გავახელ, ბნელა, -

სხეულში სძინავთ იებს,

ფანჯრიდან მოდის სიო,

ის დამიკოცნის თითებს.

ამომავალო მზეო,

შორიდან მაძლევ იმედს...

ღამე მიხუტებს გულში,

სიო მიკოცნის თითებს.