ცისკრის ვარსკვლავმაც დაკარგა ფერი,
ვეღარ ანათებს მნათობი წყვდიადს,
ფერუმარილი დააკლდა ქედებს,
შენ კი, თვალები შემოგრჩა ღია.
გაყინულ გუგებს მზის შუქი აკრთობს,
ხორცი დაადნო ციურმა ცვარმა,
მამაცი გული სამშობლოს ერგო,
სულს ვაჟკაცობის უღელი ადგას.
ერთი წუთითაც არ დაგცდა კვნესა,
შენს სახელს იტყვის ლოცვებში ყველა,
ანგელოზები წარგიძღვნენ ზევით,
შენზე დაწერენ გმირობის ეტრატს.
No comments:
Post a Comment