კაფიობა: კახას და მონიკას ,,გაბაასება"
(ფოტოს კომენტარად)
გელა ციგროშვილი ბ-ნ კახას!
(ფშაურ კილოზე)
საეჭვო საქმეს არ ენდო
არ გადააწყდე მახესა..
ხომ გახსოვს რა დღე გაყარეს,
როცა შორტებით გნახესა..
ახლა მე ერთ რჩევას მოგცემ,
იქნებ ეს იყოს მთავარი...
ამ ღვინოს ვისთანაც დალევ
არავის საქმე არ არი..
ზაურის ხელში ჩავარდნილს
ან მეტი რა დაგრჩენია...
შაგარგოს ყველა... განგებას
ვინც შენთვის გაუჩენია...
მანამ შაგიძლავ, აკვნესე
შენი ზურნა და დაფია...
არ დამიწუნოთ ეს ლექსი,
არ გამრუდდება კაფია..
პატ. გელა ციგროშვილი
გელა ციგროშვილი კახას
თუ ეგ მონიკა მოგწონ და
თან გულსაც ესალბუნება...
არც ერთი აღარ გჭირდებით,
ჩვენი არ გინდა რწმუნება..
მარტივით არი, ხო იცი,
ლამაზი ქალის ბუნება...
მანამ გიღიმის, გიცინის
სანამ შესცვლია გუნება.
მანამდე გრძნობა ბობოქრობს,
ნაპირებს ეხათქუნება,
ცოდვაში არ ჩაგეთვლება
მარხვაში მაგის ცდუნება...
No comments:
Post a Comment