ველოდებით რაღაც ახალს,
რაღაც დიდს და საოცარს,
თუმცა დღენი ისე გარბის,
ვერ ვაბარებთ გამოცდას.
გაიპარა ოცნებებში
ეს უსახო ცხოვრება,
გულიანად წყალიც ვერ ვსვი,
მამაჩემის ცხონებამ.
ომობანას თამაშებში
ისე უცებ დავბერდით,
ვერ მოესწრო ეს ქვეყანა
ვერც ჩვენ, მიწას დათესილს,
გვპირდებოდა ხან ერთი
და ხან მეორე მთავრობა,
აგაშენებთ, დაგამშვენებთ,
ვერ დაითვლით ქონებას,
მაგრამ შეგვრჩა მიწა-წყალი,
მესამედი სხვისია,
ძროხასაც ვერ მოვაძოვებთ,
წყალს გვაძლევენ ნისიად.
ოსი კაციც არ ცხოვრობდა,
ის სოფლებიც წაგვართვეს,
რა გვიშველის, ვის ვეომოთ,
მას მერე რაც დაგვმართეს.
უიმედო იმედებში
გვძინავს ნადიდგორალებს,
ნეტავ თუ კი გაგვეღვიძა,
"ნატო" წინდებს მოგვართმევს?!
No comments:
Post a Comment