დილიდან ვსაქმიანობ,
მინდა საქმეში დავმალო
სახე, თვალები, წყენა,
საქმეში ბევრი რამე იმალება,
ბევრი რამე გვავიწყდება,
ის, ალბათ რასაც თავს არ ვუმხელთ,
რასაც ვცოდავთ, რასაც მივტირით,
საქმეში ჩვენც აღარ ვჩანვართ,
ვეღარ გვამჩნევენ,
ჩვენ ვართ საქმე
და საქმე ვართ ჩვენ,
ვუჩინარდებით საქმეში,
ვბერდებით და მხოლოდ
ჩვენი სიკვდილის მერე
ხვდებიან, რომ
საქმე და ჩვენ
ერთად წავედით.
No comments:
Post a Comment