დასაწყისი და ბოლო გვაქვს ყველას,
ვერ გაიხარებს უფესვო კაცი,
თუ არ გითუთქავს გულსაც და სულსაც
ვაზი, გაქრობის ნიშანი აზის.
თუ ვერ შეძელი კარგზე თქვა კარგი,
ბოროტს კი მიეც საზრდო და ხელი,
გამოიცვალე გენი და სისხლი,
ქვეყნის დაქცევას უყურებ ლხენით.
მაშინ ბოროტის გდებია დამღა,
ყოფილხარ მხოლოდ ფლიდი მედროვე,
(ვერ გაპატიებს ქვეყანა ღალატს),
მე კი რატომღაც კაცი მეგონე.
No comments:
Post a Comment