ტრიალებდა ლურჯი ზეცა,
ფიქრებს ვკლავდი მზიანებს,
ახდენილი ოცნებები
ისევ დავაზიანე,
გამიწვრილდა ტანჯვით სული -
ნემსის ყუნწში სრიალებს,
ძაფის გორგლად გადაქცეულს
დღეებს ვითვლი გზიანებს.
გზებმაც გზები გადათვალეს,
ღამემ - ღამე უმზეო,
ვარსკვლავებმა თვალი მომჭრეს,
საბნად მიწა არ მეყო,
შავისა და თეთრის ბრძოლას
სული ორად გაეყო,
ლურჯი ზეცა ტრიალებდა...
სხეულს ძალა არ ეყო...
No comments:
Post a Comment