ქ--ნ მაია დიაკონიძეს, ავტ. გელა ციგროშვილი

 ქ--ნ მაია დიაკონიძეს

//ფშაურ კილოზე//

მავნე ენა გვაქვ ფშავლებსა,

თან ვფიქრობ,ხომ არ ვბერდები,

სიტყვას საცერში ვატარებ,

კომპლიმენტისთვის ვჩერდები...

ეშმკს ყურები არ უჩან,

საფრთხილო არი გვერდები ..

ე მაგ ხეს,ათასწლოვანსა

შთამომავლად თუ ერგები..

რო დააკალმებთ,იქნება

მეც შამახვედროთ ნერგები

პატ.გელა ციგროშვილი

14.07.23წ.

პატივისცემით გელა ციგროშვილს

ფშავლის ენა რომ მწარია,

გაგონილი მაქვს ამბადა,

ფეისგვერდიც რო შარია,

სიფრთხილით მოგწერ ამადა.

ასაკს შენ ისეთს ვერ გატყობ,

ვერა თქვა კომპლიმენტია,

მიღებას არც მე ვუარობ,

მექნება ერთით მეტია.

კალმებს კი, როგორც იქნება,

უცილობელად მოგაწვდი,

თუ კი  უფალმა ინება,

საქმედ ვიგულვებ მომავლის.

მე მაინც მივალ იმ ხესთან,

ხელს ვერ შემიშლის ლოდები,

კალმებს აგიჭრი, სანაცვლოდ

კომპლიმენტს დაველოდები.

მაია დიაკონიძე

14.07.2023 წელი

,

 

•