კუნწულა ლექსები, მინიმები

კუნწულა ლექსები:

წესი ავუგო ხანდახან მინდა,

ჩემს თავს და აქვე დავასამარო,

გავიგო უნდა თუ რამედ ღირდა,

ჩემი ცხოვრება დაუსაბამო.

---------------------------

ვიღაცას თვალში თუ ვეჩხირები,

არადა მაფენს პირმოთნე ღიმილს,

მაინც ბავშვივით შევეხიდები,

ჩვენი გზა, ვხედავ, ერთ მხარეს მიდის.

----------------------------------

ყურს ვუგდებ გარეთ შაშვების ჭახჭახს,

მინდა არასდროს აღარ დამთავრდეს,

როგორ ვერ ვიტან თოფების ჭახანს,

ზოგიერთს კიდევ, ესღა ადარდე.

----------------------------------

სულში რომ ჩაწვა ოდესღაც ნისლი,

ფთილა-ფთილებად ამოდის ზევით,

მათ დასაჩეჩად ახლაღა ვიცლი,

უნდა დავსაქმდე საბნების კერვით.

---------------------------------

ლურჯი თვალი გაქვს უძირო,

ჩემია მოლისფერი,

ზურმუხტ-ფირუზს რომ ვუკმიო...

შენთვის იქნება ძღვენი.

მაია დიაკონიძე

3.10.2024 წელი